yaad tiri jaise ki sar-e-shaam — Rajinder Manchanda Bani

thi paanv mein koi zanjir bach gae varna
ram-e-havaa kaa tamaashaa yahaan rahaa hai bahut

koi bhuli hui shai taaq-e-har-manzar pe rakkhi thi
sitaare chhat pe rakkhe the shikan bistar pe rakkhi thi

shaamil huun qaafile mein magar sar mein dhund hai
shaayad hai koi raah judaa bhi mire liye

paiham mauj-e-imkaani mein
aglaa paanv nae paani mein

vo TuTte hue rishton kaa husn-e-aakhir thaa
ki chup si lag gai donon ko baat karte hue

mohabbatein na rahin us ke dil mein mere liye
magar vo miltaa thaa hans kar ki vaza-daar jo thaa

mere khvaabon ke jharokon ko sajaate rahiye
na sahi vasl magar yaad to aate rahiye

aadhi se ziyaada shab-e-gham kaaT chukaa huun
ab bhi agar aa jaao to ye raat baDi hai

yaad ban ke pahlu mein mausamon ke bistar par
karvaTein badalti hain mehrbaaniyaan saari

har ek samt tiri yaad kaa dhundalkaa hai
tire khayaal kaa suraj utar gayaa mujh mein

labon par tabassum to aankhon mein aansu thi dhuup ek pal mein to ik pal mein baarish
hamein yaad hai baaton baaton mein un kaa hansaanaa rulaanaa rulaanaa hansaanaa

chheDtaa kyuun hai khudaa ke liye sayyaad mujhe
nau-giraftaar huun aati nahin fariyaad mujhe