zindagi kashmakash-e-vaqt mein guzri apni — Ram Riyaz

tire intizaar mein is tarah miraa ahad-e-shauq guzar gayaa
sar-e-shaam jaise bisaat-e-dil koi khasta-haal sameT le

jo tere gham mein jale hain vo phir bujhe hi nahin
jab in ki raakh kuredo sharaare zinda hain

aansu jo bahein surkh to ho jaati hain aankhein
dil aisaa sulagtaa hai dhuaan tak nahin aataa

zindagi to sapnaa hai kaun 'raam' apnaa hai
kyaa kisi ko dukh denaa kyaa kisi kaa gham karnaa

ab kahaan vo pahli si fursatein mayassar hain
saaraa din safar karnaa saari raat gham karnaa

ham os ke qatre hain ki bikhre hue moti
dhokaa nazar aae to hamein rol ke dekho

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

har ek aankh ko kuchh TuuTe khvaab de ke gayaa
vo zindagi ko ye kaisaa azaab de ke gayaa

umr hi teri guzar jaaegi un ke hal mein
teraa bachcha jo savaalaat liye baiThaa hai

vo peD jis ki chhaanv mein kaTi thi umr gaanv mein
main chuum chuum thak gayaa magar ye dil bharaa nahin