miri anaa ne sabaq de ke khud-parasti kaa — Ramz Azimabadi

sabhon se miltaa huun begaana-e-talab ho kar
na dosti se gharaz hai na dushmani se mujhe

rah-e-hayaat mein kaanTon ne mehrbaan ho kar
bachaa liyaa hai azaab-e-shaguftagi se mujhe

hai samundar saamne pyaase bhi hain paani bhi hai
tishnagi kaise bujhaaein ye pareshaani bhi hai

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

jab talak shisha rahaa main baar-haa toDaa gayaa
ban gayaa patthar to sab ne devtaa maanaa mujhe

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

ghurur bhi jo karun main to aajizi ho jaae
khudi mein lutf vo aae ki be-khudi ho jaae

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai