aao aankhein milaa ke dekhte hain — Rana Amir Liyaqat

gale lagaa ke mujhe puchh masala kyaa hai
main Dar rahaa huun tujhe haal-e-dil sunaane se

zindagi dekh tiri khaas riaayat hogi
ik mohabbat hai mire paas agar karne de

hazaar raste tire hijr ke ilaaj ke hain
ham ahl-e-ishq zaraa mukhtalif mizaaj ke hain

nukta yahi azal se paDhaayaa gayaa hamein
havvaa baraae-husn hai aadam baraae-ishq

iinT se iinT joD kar, khvaab banaa rahaa huun main
rakhne na Daal mere yaar' khvaab ki dekh-bhaal mein

agarche roz miraa sabr aazmaataa hai
magar ye dariyaa mujhe tairnaa sikhaataa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

aangan aangan khuun ke chhinTe chehra chehra be-chehra
kis kis ghar kaa zikr karun mein kis kis ke sadmaat likhun

chaman kharaab kiyaa, ho khizaan kaa khaana-kharaab
na gul rahaa hai na bulbul hai baaghbaan tanhaa

main piir ho gayaa huun aur ab tak javaan hai dard
mere murid ho jo tumhein dostaan hai dard