aTaa hai shahar baarudi dhuein se — Rasikh Irfani

kitnaa naadim huun kisi shakhs se shikva kar ke
mujh se dekhaa na gayaa us kaa pashemaan honaa

vo ahl-e-kahaf the jin ko ziyaa mili aakhir
miraa ye daur ki ab tak andheraa ghaar mein hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ehsaas baDhaa detaa hai har dard ki shiddat
mahsus karoge to kasak aur baDhegi

gham hi gham hain tiri ummid mein kyaa rakkhaa hai
iid aayaa kare ab iid mein kyaa rakkhaa hai

koi tanhaai kaa gosha koi kunj-e-aafiyat
aashiq-o-maashuq yakjaa hon kahaan ai aasmaan