saare naakaam-e-tamannaa mire dil tak aa jaaein — Rauf Raza

mere siine se nikaalo miri buniyaad ki jaan
itni aasaani se viraan nahin hotaa main

ham ko vaise bhi koi kaam nahin aataa hai
aur ye kaam haqiqat ko fasaana karnaa

ab ye pathraai hui aankhein liye phirte raho
main ne kab tum se kahaa thaa mujhe itnaa dekho

vo ye kahte hain sadaa ho to tumhaare jaisi
is kaa matlab to yahi hai ki pukaare jaao

vo jo ik shakhs tumhein yaad kiyaa kartaa thaa
aaj masruf bahut hai use tum yaad karo

vo to bachchon ki patangon ne use gher liyaa
varna chupke se nikal jaati bahaar aai hui

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ulfat ki thiin dalil tiri bad-gumaaniyaan
ab bad-gumaan main huun ki tu bad-gumaan nahin

aaj tak dil ki aarzu hai vahi
phuul murjhaa gayaa hai bu hai vahi

kyaa kyaa dilon kaa khauf chhupaanaa paDaa hamein
khud Dar gae to sab ko Daraanaa paDaa hamein

ishq khud sikhaataa hai saari hikmatein 'aali'
naqd-e-dil kise denaa baar-e-sar kahaan rakhnaa