kaun aaina dekhtaa hai miyaan — Riasath Ali Asrar

chaandni surkh si dikhaai de
ye moharram kaa chaand hai 'asraar'

ham na aae junun ke bas mein kabhi
ye garebaan khirad ne chaak kiyaa

be-karaan dasht-e-tasavvur mein bhaTakne ke nuqush
mauj-dar-mauj saraabon se ubharte honge

aap ham se judaa nahin hote
aap par ikhtiyaar hai koi

kyaa us se bichhaDte ki mile hi na the jis se
ik-tarfa mohabbat ke bhi hain zaaviye kyaa kyaa

mahv hain hazrat-e-khayaal apne
haal-e-dil mein muraaqiba baandhe

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

'bedaar' raah-e-ishq kisi se na tai hui
sahraa mein qais koh mein farhaad rah gayaa

mohabbat aise ki 'bedaar' sakht mushkil hai
jo apni jaan se guzre vo us ki chaah kare

sab luTaa ishq ke maidaan mein uryaan aayaa
rah gayaa paas mire daaman-e-sahraa baaqi

zaraa baahon ke halqe aur kas lo
mohabbat saans lenaa chaahti hai