sab luTaa ishq ke maidaan mein uryaan aayaa — Meer Mohammadi Bedar

nahin kuchh abr hi shaagird meri ashk-baari kaa
sabaq leti hai mujh se barq bhi aa be-qaraari kaa

kis tarah haal-e-dil kahun us gul se baagh mein
phirti hai us ke saath to har-dam sabaa lagi

junun ne dast-kaari aisi bhi ki
na thaa goyaa garebaan pairahan mein

ayaan hai shakl tiri yuun hamaare siina se
ki juun sharaab numaayaan ho aabgina se

saaye se apne vahshat karte hain misl-e-aahu
mushkil hai haath lagnaa az-khud ramidgaan kaa

jaataa hai chalaa qaafila-e-ashk shab o roz
maalum nahin us kaa iraada hai kahaan kaa

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

jo tire ishq mein tabaah huaa
koi us ko tabaah kar na sakaa

ghussa aataa hai pyaar aataa hai
ghair ke ghar se yaar aataa hai

nabi sadqe kutub shah dil mein kiitaa
mohabbat haidar-e-karraar ehdaas