baad-e-shaam aae mahak uTThe miraa sahn riyaaz — Riaz Majeed

vaqt khush khush kaaTne kaa mashvara dete hue
ro paDaa vo aap mujh ko hausla dete hue

ik ghar banaa ke kitne jhamelon mein phans gae
kitnaa sukun be-sar-o-saamaaniyon mein thaa

simaTti phailti tanhaai sote jaagte dard
vo apne aur mire darmiyaan chhoD gayaa

isi hujum mein laD-bhiD ke zindagi kar lo
rahaa na jaaegaa duniyaa se duur jaa kar bhi

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

lahja ki jaise subh ki khushbu azaan de
ji chaahtaa hai main tiri aavaaz chuum luun

shabnam ke aansu phuul par ye to vahi qissa huaa
aankhein miri bhigi hui chehra tiraa utraa huaa

aanch aati hai tire jism ki uryaani se
pairahan hai ki sulagti hui shab hai koi