simaTti phailti tanhaai sote jaagte dard — Riaz Majeed

vaqt khush khush kaaTne kaa mashvara dete hue
ro paDaa vo aap mujh ko hausla dete hue

ik ghar banaa ke kitne jhamelon mein phans gae
kitnaa sukun be-sar-o-saamaaniyon mein thaa

isi hujum mein laD-bhiD ke zindagi kar lo
rahaa na jaaegaa duniyaa se duur jaa kar bhi

baad-e-shaam aae mahak uTThe miraa sahn riyaaz
be-mahak jhaaDiyon se raat ki raani nikle

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

rone ke bhi aadaab huaa karte hain 'faani'
ye us ki gali hai teraa gham-khaana nahin hai

faani davaa-e-dard-e-jigar zahr to nahin
kyuun haath kaanptaa hai mire chaarasaaz kaa

jab dil kaa jahaaz apnaa tabaahi mein paDe hai
le dauDein hain aansu vahin aaankhon ki gharaabein