khuli hai kunj-e-qafas mein miri zabaan sayyaad — Rind Lakhnavi

maut aa jaae qaid mein sayyaad
aarzu ho agar rihaai ki

ham jo kahte hain saraasar hai ghalat
sab bajaa aap jo farmaaiyegaa

kaafir huun na phunkun jo tire kaabe mein ai shaikh
naaqus baghal mein hai musallaa na samajhnaa

mai pilaa aisi ki saaqi na rahe hosh mujhe
ek saaghar se do aalam hon faraamosh mujhe

mai-kash huun vo ki puchhtaa huun uTh ke hashr mein
kyuun ji sharaab ki hain dukaanein yahaan kahin

agari kaa hai gumaan shak hai malaagiri kaa
rang laayaa hai dupaTTa tiraa mailaa ho kar

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

bujhne nahin diyaa ise furqat ke baa'd bhi
yaadon se teri dil ko farozaan rakhaa sadaa

aankh se duur sahi dil se kahaan jaaegaa
jaane vaale tu hamein yaad bahut aaegaa

dil mein zauq-e-vasl o yaad-e-yaar tak baaqi nahin
aag is ghar mein lagi aisi ki jo thaa jal gayaa

maat khaai hai aksar shaah ne pyaade se
farq kuchh nahin paDtaa taaj aur libaade se