ghalat hai aap na the ham-kalaam khalvat mein — Riyaz Khairabadi

mai-khaane mein mazaar hamaaraa agar banaa
duniyaa yahi kahegi ki jannat mein ghar banaa

aap aae to khayaal-e-dil-e-naashaad aayaa
aap ne yaad dilaayaa to mujhe yaad aayaa

ghurur bhi jo karun main to aajizi ho jaae
khudi mein lutf vo aae ki be-khudi ho jaae

ham jaante hain lutf-e-taqaazaa-e-mai-farosh
vo naqd mein kahaan jo mazaa hai udhaar mein

baDe paak tinat baDe saaf baatin
'riyaaz' aap ko kuchh hamin jaante hain

aisi hi intizaar mein lazzat agar na ho
to do ghaDi firaaq mein apni basar na ho

tum nahin gham nahin sharaab nahin
aisi tanhaai kaa javaab nahin

us ik diye se hue kis qadar diye raushan
vo ik diyaa jo kabhi baam-o-dar mein tanhaa thaa

tanhaai kaa ik aur maza luuT rahaa huun
mehmaan mire ghar mein bahut aae hue hain

auron se puchhiye to haqiqat pata chale
tanhaai mein to zaat kaa irfaan ho chukaa

ghar mein vahi piili tanhaai rahti hai
divaaron ke rang badalte rahte hain

jab safar ki dhuup mein murjhaa ke ham do pal ruke
ek tanhaa peD thaa meri tarah jaltaa huaa