jab safar ki dhuup mein murjhaa ke ham do pal ruke — Wahab Danish

jangalon mein ghumte phirte hain shahron ke faqih
kyaa darakhton se bhi chhin jaaegaa aalam vajd kaa

khul gayaa raaz chhupi chaah kaa sab mahfil par
naam le kar jo miraa us se pukaaraa na gayaa

vo rang kaa hujum saa vo khushbuon ki bhiiD si
vo lafz lafz se javaan vo harf harf se hasin

in parbaton ke biich thi mastur ik guphaa
patthar ki narmiyon mein thi mahfuz kaaenaat

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

dard mein lazzat bahut ashkon mein raanaai bahut
ai gham-e-hasti hamein duniyaa pasand aai bahut

bahut ghurur thaa biphre hue samundar ko
magar jo dekhaa mire aansuon se kam-tar thaa

ye zindagi hai apni kabhi khush kabhi udaas
is kashmakash se mujh ko khudaayaa rihaai de