jhaDi aisi lagaa di hai mire ashkon ki baarish ne — Saail Dehlvi

ye masjid hai ye mai-khaana taajjub is par aataa hai
janaab-e-shaikh kaa naqsh-e-qadam yuun bhi hai aur yuun bhi

aah kartaa huun to aate hain pasine un ko
naala kartaa huun to raaton ko vo Dar jaate hain

khat-e-shauq ko paDh ke qaasid se bole
ye hai kaun divaana khat likhne vaalaa

tumhein parvaa na ho mujh ko to jins-e-dil ki parvaa hai
kahaan DhunDun kahaan pheinki kahaan dekhun kahaan rakh di

janaab-e-shaikh mai-khaane mein baiThe hain barahna-sar
ab un se kaun puchhe aap ne pagDi kahaan rakh di

mohabbat mein jiinaa nai baat hai
na marnaa bhi mar kar karaamaat hai

pyaaso raho na dasht mein baarish ke muntazir
maaro zamin pe paanv ki paani nikal paDe

tujh mein gar baarish samundar ke baraabar hai to kyaa
mere andar bhi hai sahraa ke baraabar tishnagi

jab jab tum ko yaad karein ham
tab tab baarish ho jaati hai

jo meri chashm ke parde sharik ho jaate
kamaal-e-daaman-e-abr-e-bahaar baDh jaataa

ham se puchho mizaaj baarish kaa
ham jo kachche makaan vaale hain

baadal ke ek TukDe mein kyon dab gai tapish
suraj hazaar darja jalaali banaa rahaa