apni yaadein us se vaapas maang kar — Sabir Zafar

duur tak ek khalaa hai so khalaa ke andar
sirf tanhaai ki surat hi nazar aaegi

us se bichhaD ke ek usi kaa haal nahin main jaan sakaa
vaise khabar to har pal mujh tak duniyaa bhar ki aati rahi

ham itnaa chaahte the ek dusre ko 'zafar'
main us ki aur vo meri misaal ho ke rahaa

main aise jamghaTe mein kho gayaa huun
jahaan mere sivaa koi nahin hai

shaam se pahle tiri shaam na hone dungaa
zindagi main tujhe naakaam na hone dungaa

har shakhs bichhaD chukaa hai mujh se
kyaa jaaniye kis ko DhunDhtaa huun

mere khvaabon ke jharokon ko sajaate rahiye
na sahi vasl magar yaad to aate rahiye

yaad na aane kaa vaada kar ke
vo to pahle se sivaa yaad aayaa

ab main kyaa tum se apnaa haal kahun
ba-khudaa yaad bhi nahin mujh ko

yaa ilaahi is dil-e-betaab ki taamir mein
kis ne patthar rakh diyaa thaa ishq ki buniyaad kaa

bahan kaa pyaar maan ki maamtaa do chikhti aankhein
yahi tohfe the vo jin ko main aksar yaad kartaa thaa

shaayad kisi ne yaad kiyaa hai hamein 'adaa'
kyon varna ashk maail-e-tufaan hai aaj phir