shaayad kisi ne yaad kiyaa hai hamein 'adaa' — Ada Jafarey

bas ek baar manaayaa thaa jashn-e-mahrumi
phir us ke baad koi ibtilaa nahin aai

jis ki jaanib 'adaa' nazar na uThi
haal us kaa bhi mere haal saa thaa

hazaar kos nigaahon se dil ki manzil tak
koi qarib se dekhe to ham ko pahchaane

dil ke viraane mein ghume to bhaTak jaaoge
raunaq-e-kucha-o-baazaar se aage na baDho

kuchh itni raushni mein the chehron ke aaine
dil us ko DhunDhtaa thaa jise jaantaa na thaa

varna insaan mar gayaa hotaa
koi be-naam justuju hai abhi

mere khvaabon ke jharokon ko sajaate rahiye
na sahi vasl magar yaad to aate rahiye

tu nahin paas tiri yaad to hai
tu hi to sujhe jahaan tak sochun

is hi buniyaad par kyuun na mil jaaein ham
aap tanhaa bahut ham akele bahut

lipTaa ke shab-e-vasl vo us shokh kaa kahnaa
kuchh aur havas is se ziyaada to nahin hai

shab ki tanhaaiyon mein yaad us ki
jhilmilaataa huaa diyaa jaise

yaad kaa kyaa hai aa gai phir se
aankh kaa kyaa hai phir se ro li hai