kabhi utraa nahin jo aasmaan se — Saeed Ahmad Akhtar

ye miraa ilhaam hai vo miri tadbir hai
main na junun kaa asiir main na khirad kaa ghulaam

ek ham tinon mein mar jaae to chhap jaaegi
likh to rakkhi hai tiri prem kahaani main ne

sajda kahaan lagaa hai hamaari jabin kaa
charchaa hai phir falak pe tire dar-nashin kaa

shabaab tum se karegaa jo tum ne ham se kiyaa
tumhaaraa husn bhi niklegaa bevafaa mausam

aayaa thaa sun ke shahr mein daulat ki rel-pel
kal mill mein kaT ke mar gayaa beTaa kisaan kaa

mire to phuul bhi tum ho sabaa bhi khushbu bhi
nahin ho tum to nahin mere kaam kaa mausam

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

jalaa aashiyaan jab se dil mutmain hai
na bijli kaa khatra na dhaDkaa khizaan kaa

vusat-e-dil are maaaz allaah
saari duniyaa samaai jaati hai

har baat kaa ehsaas mire dil se miTaa de
zinda mujhe rakhnaa hai to divaana banaa de

jis ko ibrat dilaai jaati hai
meri surat dikhaai jaati hai