jis ko ibrat dilaai jaati hai — Makhfi Lakhnavi

ishq ki allaah re fitna-kaariyaan
paak-daaman chaak-daaman ho gae

miraa aanaa jahaan mein munhasir thaa tiin baaton par
jafaa sahnaa vafaa karnaa aur us ke baad mar jaanaa

parda hai ik baqaa kaa raaz-e-fanaa na puchho
mar kar bhi saath ham se chhuTaa na zindagi kaa

yuun manzar-e-hasti pe tiri chhaa gaiin aankhein
ik kaif saa har chiiz pe barsaa gaiin aankhein

yuun be-hijaab hain ki hain jaise hijaab mein
us bazm mein kisi ko majaal-e-nazar kahaan

ishq ki fitrat ne yuun badlaa mazaaq-e-zindagi
jitne gham baDhne lage utni khushi hone lagi

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

us ko nae safar mein nae ham-safar ke saath
dil khush huaa hai kyon ye ziyaa dekhte hue

zamaane ho gae hain chalte chalte
kahaan jaataa ye dil kaa raasta hai

jalaa hai dil yaa koi ghar ye dekhnaa logo
havaaein phirti hain chaaron taraf dhuaan le kar

nazar na aae to sau vahm dil mein aate hain
vo ek shakhs jo aksar dikhaai detaa hai