talab ke raaste par aa gayaa huun — Saeed Qais

main bhi apni zaat mein aabaad huun
mere andar bhi qabile hain bahut

ye vaaqia miri aankhon ke saamne kaa hai
sharaab naach rahi thi gilaas baiThe rahe

chaand mashriq se nikaltaa nahin dekhaa main ne
tujh ko dekhaa hai to tujh saa nahin dekhaa main ne

tum se milne kaa bahaana tak nahin
aur bichhaD jaane ke hiile hain bahut

apni aavaaz sunaai nahin deti mujh ko
ek sannaaTaa ki galiyon mein bahut boltaa hai

usi ke lutf se basti nihaal hai saari
tamaam peD lagaae hue usi ke hain

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

na jaanaa ki duniyaa se jaataa hai koi
bahut der ki mehrbaan aate aate

aa ke bazm-e-sher mein shart-e-vafaa puuri to kar
jitnaa khaanaa khaa gayaa hai utni mazduri to kar

kam-zarf mezbaan ki daa'vat nahin qubul
thoDi bahut pilaa ke jataanaa hai baar baar

kis kaam ki aisi sachchaai jo toD de ummidein dil ki
thoDi si tasalli ho to gai maanaa ki vo bol ke jhuuT gayaa