ye vaaqia miri aankhon ke saamne kaa hai — Saeed Qais

main bhi apni zaat mein aabaad huun
mere andar bhi qabile hain bahut

chaand mashriq se nikaltaa nahin dekhaa main ne
tujh ko dekhaa hai to tujh saa nahin dekhaa main ne

tum se milne kaa bahaana tak nahin
aur bichhaD jaane ke hiile hain bahut

talab ke raaste par aa gayaa huun
bataao ab mujhe jaanaa kahaan hai

apni aavaaz sunaai nahin deti mujh ko
ek sannaaTaa ki galiyon mein bahut boltaa hai

usi ke lutf se basti nihaal hai saari
tamaam peD lagaae hue usi ke hain

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gul kiyaa jis ne vo thaa aur magar
shama ne shikva havaaon se kiyaa

gulaabon ke honTon pe lab rakh rahaa huun
use der tak sochnaa chaahtaa huun

kahaan milegi misaal meri sitamgari ki
ki main gulaabon ke zakhm kaanTon se si rahaa huun

ai sanam tu vo kanhayyaa hai balaaein luun agar
baansuli ki tarah naalaan hon saraapaa ungliyaan

sayyaad teraa ghar mujhe jannat sahi magar
jannat se bhi sivaa mujhe raahat chaman mein thi