apni aavaaz sunaai nahin deti mujh ko — Saeed Qais

main bhi apni zaat mein aabaad huun
mere andar bhi qabile hain bahut

ye vaaqia miri aankhon ke saamne kaa hai
sharaab naach rahi thi gilaas baiThe rahe

chaand mashriq se nikaltaa nahin dekhaa main ne
tujh ko dekhaa hai to tujh saa nahin dekhaa main ne

tum se milne kaa bahaana tak nahin
aur bichhaD jaane ke hiile hain bahut

talab ke raaste par aa gayaa huun
bataao ab mujhe jaanaa kahaan hai

usi ke lutf se basti nihaal hai saari
tamaam peD lagaae hue usi ke hain

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kaanTe se bhi nichoD li ghairon ne bu-e-gul
yaaron ne bu-e-gul se bhi kaanTaa banaa diyaa

zabaan-bandi ke mausam mein gali-kuchon ki mat puchho
parindon ke chahakne se shajar aabaad hote hain

dil par pahan liyaa hai vo gajre ke jaisaa shakhs
lekin gale kaa haar nahin kar rahaa huun main