mehndi lage vo haath vo miinaa si ungliyaan — Saghar Khayyami

ab aap hi bataaein vo kaise nibhaaegaa
jis ko nasib dum nahin vo kyaa hilaae gaa

ek qaidi subh ko phaansi lagaa kar mar gayaa
raat bhar ghazlein sunaain us ko thaanedaar ne

mahngaai ke zamaane mein bachchon ki rel-pel
aisaa na ho kamar tiri mahngaai toD de

chehre to jhurriyon se bhare dil javaan hain
din mein hain shaikh raat mein salmaan-khaan hain

hamaare laal ko darkaar hai vahi laDki
ki jis kaa baap police mein ho kam se kam deputy

kitne chehre lage hain chehron par
kyaa haqiqat hai aur siyaasat kyaa

main baDaa ho gayaa huun magar bachpanaa
mere dil se kabhi bhi gayaa hi nahin

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

dil-e-haris hi apnaa na ho sakaa qaane
vagarna tere karam mein to kuchh kami na rahi

chaand ne taan li hai chaadar-e-abr
ab vo kapDe badal rahi hogi