naghmon ki ibtidaa thi kabhi mere naam se — Saghar Siddiqui

ab shahr-e-aarzu mein vo raanaaiyaan kahaan
hain gul-kade niDhaal baDi tez dhuup hai

kal jinhein chhu nahin sakti thi farishton ki nazar
aaj vo raunaq-e-baazaar nazar aate hain

charaagh-e-tur jalaao baDaa andheraa hai
zaraa naqaab uThaao baDaa andheraa hai

log kahte hain raat biit chuki
mujh ko samjhaao! main sharaabi huun

ye zulf-bar-dosh kaun aayaa ye kis ki aahaT se gul khile hain
mahak rahi hai fazaa-e-hasti tamaam aalam bahaar saa hai

teri surat jo ittifaaq se ham
bhuul jaaein to kyaa tamaashaa ho

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

dil miraa dard ke sivaa kyaa hai
ibtidaa ye to intihaa kyaa hai

is aalam-e-viraan mein kyaa anjuman-aaraai
do roz ki mahfil hai ik umr ki tanhaai

ek shoala saa uThaa thaa dil mein
jaane kis ki thi sadaa yaad nahin