miri tanhaaiyon ko kaun samjhe — Sahba Akhtar

shaayad vo sang-dil ho kabhi maail-e-karam
surat na de yaqin ki is ehtimaal ko

'sahbaa' saahab dariyaa ho to dariyaa jaisi baat karo
tez havaa se lahar to ik jauhaD mein bhi aa jaati hai

main use samjhun na samjhun dil ko hotaa hai zarur
laala o gul par gumaan ik ajnabi tahrir kaa

tum ne kahaa thaa chup rahnaa so chup ne bhi kyaa kaam kiyaa
chup rahne ki aadat ne kuchh aur hamein badnaam kiyaa

agar shuur na ho to bahisht hai duniyaa
baDe azaab mein guzri hai aagahi ke saath

hamein khabar hai zan-e-faahisha hai ye duniyaa
so ham bhi saath ise be-nikaah rakhte hain

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

hamein to shaam-e-gham mein kaaTni hai zindagi apni
jahaan vo hain vahin ai chaand le jaa raushni apni

rishta-e-ulfat ko zaalim yuun na bedardi se toD
dil to phir juD jaaegaa lekin girah rah jaaegi

qadrdaani ki kaifiyat maalum
aib kyaa hai agar hunar na huaa