kyaa mol lag rahaa hai shahidon ke khuun kaa — Sahir Ludhianvi

le de ke apne paas faqat ik nazar to hai
kyuun dekhein zindagi ko kisi ki nazar se ham

ham jurm-e-mohabbat ki sazaa paaeinge tanhaa
jo tujh se hui ho vo khataa saath liye jaa

ham amn chaahte hain magar zulm ke khilaaf
gar jang laazmi hai to phir jang hi sahi

hazaar barq gire laakh aandhiyaan uTThein
vo phuul khil ke raheinge jo khilne vaale hain

kaun rotaa hai kisi aur ki khaatir ai dost
sab ko apni hi kisi baat pe ronaa aayaa

milti hai zindagi mein mohabbat kabhi kabhi
hoti hai dilbaron ki inaayat kabhi kabhi

hai ajab nizaam zakaat kaa mire mulk mein mire des mein
ise kaaTtaa koi aur hai ise baanTtaa koi aur hai

shahidaan-e-vafaa ki manqabat likhte rahe lekin
na ki arzi khudaaon ki kabhi hamd-o-sanaa ham ne

paanv se lag ke khaDi hai ye gharib-ul-vatani
us ko samjhaao ki ham apne vatan aae hain

mili hai hukmraani des ki jab paarsaaon ko
to apni qaum kyuun phir vaardaati hoti jaati hai

vallaah in shahidon kaa meaar dekh kar
hai marg-e-shauq aur sivaa daar dekh kar

maujud mere dil mein tumhaari jo yaad hai
ye meri milkiyat hai miri jaaedaad hai