shahidaan-e-vafaa ki manqabat likhte rahe lekin — Abdul Aziz Khalid

har baat hai 'khaalid' ki zamaane se niraali
baashinda hai shaayad kisi duniyaa-e-digar kaa

nai mohabbatein 'khaalid' puraani dostiyaan
azaab-e-kashmakash-e-be-amaan mein rahte hain

kaun mar kar dobaara zinda huaa
kaun mulk-e-fanaa se lauTaa hai

pursaan-e-pareshaani-e-insaan nahin koi
qismat ki girah naakhun-e-tadbir se kholo

qaasid ye zabaan us ki bayaan us kaa nahin hai
dhokaa hai tujhe us ne kahaa aur hi kuchh hai

parakhne vaale parkheinge isi meaar par ham ko
jahaan se kyaa liyaa ham ne jahaan ko kyaa diyaa ham ne

hai ajab nizaam zakaat kaa mire mulk mein mire des mein
ise kaaTtaa koi aur hai ise baanTtaa koi aur hai

samundar paar aa baiThe magar kyaa
nae mulkon mein ban jaate hain ghar kyaa

phir dayaar-e-hind ko aabaad karne ke liye
jhuum kar uTTho vatan aazaad karne ke liye

khuun shahidaan-e-vatan kaa rang laa kar hi rahaa
aaj ye jannat-nishaan hindostaan aazaad hai

yahaan na peT hi is shaaeri se bhartaa hai
yahaan na qaum hi lauh-o-qalam se jaagti hai

abas mal mal ke dhotaa hai tu apne dast-e-naazuk ko
nahin jaane ki surkhi haath se khun-e-shahidaan ki