raat guzre na dard-e-dil Thahre — Saifuddin Saif

shor din ko nahin sone detaa
shab ko sannaaTaa jagaa detaa hai

husn jalva dikhaa gayaa apnaa
ishq baiThaa rahaa udaas kahin

'saif' andaaz-e-bayaan rang badal detaa hai
varna duniyaa mein koi baat nai baat nahin

kitne anjaan hain kyaa saadgi se puchhte hain
kahiye kyaa meri kisi baat pe ronaa aayaa

ye aalaam-e-hasti ye daur-e-zamaana
to kyaa ab tumhein bhuul jaanaa paDegaa

hamein khabar hai vo mehmaan ek raat kaa hai
hamaare paas bhi saamaan ek raat kaa hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

nahin bujhti hai pyaas aansu siin lekin
karein kyaa ab to yaan paani yahi hai

dil-e-sad-chaak miraa raah yahaan kab paae
kucha-e-zulf mein phirtaa hai tire shaana kharaab

har sadaa par lage hain kaan yahaan
dil sambhaale raho zabaan ki tarah

jis ke munh ki utar gai loi
gham nahin us ko kuchh kaho koi