kitne anjaan hain kyaa saadgi se puchhte hain — Saifuddin Saif

shor din ko nahin sone detaa
shab ko sannaaTaa jagaa detaa hai

husn jalva dikhaa gayaa apnaa
ishq baiThaa rahaa udaas kahin

'saif' andaaz-e-bayaan rang badal detaa hai
varna duniyaa mein koi baat nai baat nahin

zindagi kis tarah kaTegi 'saif'
raat kaTti nazar nahin aati

ye aalaam-e-hasti ye daur-e-zamaana
to kyaa ab tumhein bhuul jaanaa paDegaa

hamein khabar hai vo mehmaan ek raat kaa hai
hamaare paas bhi saamaan ek raat kaa hai

kyon tasavvur mein ji rahaa huun main
jab haqiqat mein mar hi jaanaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

tiraa ghurur jhuk ke jab milaa mire vajud se
na jaane meri kamtari kaa chehra kyuun utar gayaa

kisi din meri rusvaai kaa ye kaaran na ban jaae
tumhaaraa shahr se jaanaa miraa bimaar ho jaanaa