mahv yuun ho gae alfaaz-e-duaa vaqt-e-duaa — Salik Lakhnavi

aaj bhi hai vahi maqaam aaj bhi lab pe un kaa naam
manzil-e-be-shumaar-gaam apne safar ko kyaa karun

dil ne siine mein kuchh qaraar liyaa
jab tujhe khuub saa pukaar liyaa

mai-khaana-e-hasti mein saaqi ham donon hi mujrim hain shaayad
khum tu ne bachaa ke rakkhe the paimaane main ne toDe hain

apni khuddaari salaamat dil kaa aalam kuchh sahi
jis jagah se uTh chuke hain us jagah phir jaaein kyaa

miT chuke jo bhi the tauba-shikani ke asbaab
ab na mai-khaana na paimaana na shisha na subu

bahaar-e-gulistaan ham ko na pahchaane taajjub hai
gulon ke rukh pe chhiDkaa hai bahut khun-e-jigar ham ne

sahraa kaa safar thaa to shajar kyuun nahin aayaa
maangi thiin duaaein to asar kyuun nahin aayaa

du'aaein maan ki pahunchaane ko milon-mil jaati hain
ki jab pardes jaane ke liye beTaa nikaltaa hai

labon pe us ke kabhi bad-du'aa nahin hoti
bas ek maan hai jo mujh se khafaa nahin hoti

ek aurat se vafaa karne kaa ye tohfa milaa
jaane kitni auraton ki bad-duaaein saath hain

tumhaari saalgirah par yahi du'aa hai tumhein
falak pe jitne sitaare hon utni khushiyaan milein

chalegaa tiir jab apni duaa kaa
kaleje dushmanon ke chhaan degaa