koi bhi shakhs duniyaa mein tumhein chhoTaa nazar na aae — Sandeep Gupte

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

koi hayaat ke maani bataa ke samjhaae
tavil kyaa hai bhalaa mukhtasar kaa kyaa matlab

jab bhi kashti bhanvar mein aai hai
ik du'aa bhi asar mein aai hai

hamein qubul nahin chhoTaa munh baDi baatein
misaal bante hain aur phir misaal dete hain

sirf kahne ko hai nai duniyaa
vo hi dastur hai vahi duniyaa

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

avval avval 'ilm faqat ik nuqta thaa
aakhir aakhir jehl banaa taavilon se

muhsinon ki aankh se kaajal churaa lete hain log
sochte kyaa ho nazar rakkhaa karo saamaan par

vo aae bazm mein itnaa to 'fikr' ne dekhaa
phir is ke baa'd charaaghon mein raushni na rahi

main sochtaa rahtaa huun ba-har-haal ki kyaa thaa
aankhon mein tiri meraa jahaan hone se pahle