bahut ghaaTe mein hai urdu zabaan kyon — Sayyed Riyaz Raheem

nazar rakhte hain us ki har adaa par
ba-zaahir be-khabar hote hue bhi

hamaare 'ahd mein kyon jahl kaa hai rutba buland
shikast khaai hui aagahi savaal uThaa

ajiib khauf kaa aalam hai apne chaaron taraf
safar mein lagtaa hai ye aakhiri safar to nahin

har subh nikalte hain yahi soch ke ghar se
bikhri hui duniyaa ko sameTeinge kisi din

ab aur kyaa kahun main mohabbat ke baab mein
main un ke saath huun jo mohabbat ke saath hain

kitnaa dushvaar lag rahaa thaa safar
dekho ham aa gae vahaan se yahaan

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

mohabbat but-kade mein chal ke us kaa faisla kar de
khudaa meraa khudaa hai yaa ye murat hai khudaa meri

meraa dil-e-'muztar' but-e-kaafir se lagaa hai
aur aankh miri su-e-khudaa dekh rahi hai

hubb-e-duniyaa ulfat-e-zar dil se dam-bhar kam nahin
us par ai zaahid iraada hai khudaa ki yaad kaa