sar-bulandi ko yahaan dil ne na chaahaa munim — Shah Naseer

tire hi naam ki simran hai mujh ko aur tasbih
tu hi hai vird har ik subh-o-shaam aashiq kaa

gale mein tu ne vahaan motiyon kaa pahnaa haar
yahaan pe ashk-e-musalsal gale kaa haar rahaa

aataa hai to aa vaada-faraamosh vagarna
har roz kaa ye lait-o-laal jaae to achchhaa

mere naale ke na kyuun ho charkh-e-akhzar zer-e-paa
khutba khvaan-e-ishq hai rakhtaa hai mimbar zer-e-paa

mushkil hai rok aah-e-dil-e-daaghdaar ki
kahte hain sau sunaar ki aur ik luhaar ki

puchhne vaalon ko kyaa kahiye ki dhoke mein nahin
kufr o islaam haqiqat mein hain yaksaan ham ko

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

avval avval to is ko sab dilchaspi se paDhte hain
jaise meraa chehra bhi akhbaar kaa koi column ho

tum jahaan ho vahaan ye yaad rakho
har sitaara jagah badaltaa hai

itni jheli hai dil ne maayusi
laa-shuuri mein haath maltaa hai

dil ki raahein judaa hain duniyaa se
koi bhi raahbar nahin hotaa