zalzale kaa thaa safar jis mein ki masti ham ne — Shahid Jameel

khaak-e-dil se hi uThe ab ke ghubaar-e-mahtaab
aasmaan se koi elaan nahin honaa hai

sab 'aashiq thak gae upload kar ke apni site par
visaal-e-yaar ki cd mein sau sau pech-o-kham nikle

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

safar mein aise kai marhale bhi aate hain
har ek moD pe kuchh log chhuT jaate hain

yuun to maujud apne ghar mein hai
aadmi mustaqil safar mein hai

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

umr bhar dekhaa kiye marne ki raah
mar gae par dekhiye dikhlaaein kyaa