mai-khaane ki baat na kar vaaiz mujh se — Shahid Kabir

tabaah kar gai pakke makaan ki khvaahish
main apne gaanv ke kachche makaan se bhi gayaa

is soch mein zindagi bitaa di
jaagaa huaa huun ki so rahaa huun

kaanTon ko pilaa ke khuun apnaa
raahon mein gulaab bo rahaa huun

be-sabab baat baDhaane ki zarurat kyaa hai
ham khafaa kab the manaane ki zarurat kyaa hai

girne do tum mujhe miraa saaghar sambhaal lo
itnaa to mere yaar karo main nashe mein huun

zindagi ik aansuon kaa jaam thaa
pi gae kuchh aur kuchh chhalkaa gae

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

gham-e-jaanaan gham-e-dauraan ki taraf yuun aayaa
jaanib shahar chale dukhtar-e-dahqaan jaise

sab raahon mein kaanTe hain
chalte jaanaa ek taraf

dil jahaan le jaae dil ke saath jaanaa chaahiye
is se baDh kar aur koi rahnumaa hotaa nahin