ai pari husn tiraa raunaq-e-hindustaan hai — Rind Lakhnavi

maut aa jaae qaid mein sayyaad
aarzu ho agar rihaai ki

ham jo kahte hain saraasar hai ghalat
sab bajaa aap jo farmaaiyegaa

kaafir huun na phunkun jo tire kaabe mein ai shaikh
naaqus baghal mein hai musallaa na samajhnaa

mai pilaa aisi ki saaqi na rahe hosh mujhe
ek saaghar se do aalam hon faraamosh mujhe

mai-kash huun vo ki puchhtaa huun uTh ke hashr mein
kyuun ji sharaab ki hain dukaanein yahaan kahin

agari kaa hai gumaan shak hai malaagiri kaa
rang laayaa hai dupaTTa tiraa mailaa ho kar

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

jab ki pahlu se yaar uThtaa hai
dard be-ikhtiyaar uThtaa hai

chaman mein rakhte hain kaanTe bhi ik maqaam ai dost
faqat gulon se hi gulshan ki aabru to nahin

saaf kahiye ki pyaar karte hain
ye nigaahon kaa qaul-e-mubham kyaa

main us ko maut se bhi chhin laataa
vo jiine ke liye tayyaar kab thaa

jo ghair the vo isi baat par hamaare hue
ki ham se dost bahut be-khabar hamaare hue