is naghmagi kaa thoDaa gunah-gaar main bhi huun — Rauf Raza

mere siine se nikaalo miri buniyaad ki jaan
itni aasaani se viraan nahin hotaa main

ham ko vaise bhi koi kaam nahin aataa hai
aur ye kaam haqiqat ko fasaana karnaa

ab ye pathraai hui aankhein liye phirte raho
main ne kab tum se kahaa thaa mujhe itnaa dekho

saare naakaam-e-tamannaa mire dil tak aa jaaein
aaj vo kaam kareinge ki jo hone kaa nahin

vo ye kahte hain sadaa ho to tumhaare jaisi
is kaa matlab to yahi hai ki pukaare jaao

vo to bachchon ki patangon ne use gher liyaa
varna chupke se nikal jaati bahaar aai hui

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

kaun saa dard utar aayaa hai tahriron mein
saare alfaaz janaaze ki tarah lagte hain

mujh ko thi mahfilon ki bahut aarzu magar
tanhaaiyon ke khauf se tanhaa rahaa huun main

tez baarish mein kahin duur saDak par baiThe
ham tire chhoD ke jaane kaa sabab sochte hain