tere siine mein bhi ik daagh hai tanhaai kaa — Shahzad Ahmad

shaayad isi baais huiin patthar miri aankhein
jo kuchh ki mujhe dekhnaa thaa dekh liyaa hai

zabaanein thak chukin patthar hue kaan
kahaani an-kahi thi an-kahi hai

ek se manzar dekh dekh kar aankhein dukhne lagti hain
is raste par peD bahut hain aur haraa koi bhi nahin

khule asraar us par jism ke aahista aahista
bahut din mein use baatein na karne kaa hunar aayaa

bharpur nahin hain kisi chehre ke khad-o-khaal
dekhaa nahin vo chaand jo puuraa nazar aae

ab to insaan ki azmat bhi koi chiiz nahin
log patthar ko khudaa maan liyaa karte the

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

hamein tanhaaiyon mein yuun to kyaa kyaa yaad aataa hai
magar sach puchhiye to ek chehraa yaad aataa hai

barq se khelne tufaan pe hansne vaale
aise Duube tire gham mein ki ubhar bhi na sake

gham-e-habib nahin kuchh gham-e-jahaan se alag
ye ahl-e-dard ne kyaa masale uThaae hain