gulshan-e-dahr mein sau rang hain 'haatim' us ke — Shaikh Zahuruddin Hatim

ai khizaan bhaag jaa chaman se shitaab
varna fauj-e-bahaar aave hai

kabhu bimaar sun kar vo ayaadat ko to aataa thaa
hamein apne bhale hone se vo aazaar behtar thaa

phaDkun to sar phaTe hai na phaDkun to ji ghaTe
tang is qadar diyaa mujhe sayyaad ne qafas

bul-havas go karein tere lab-e-shirin par hujum
talkh mat ho ki miThaai se magas aati hai

meraa maashuq hai mazon mein bharaa
kabhu miThaa kabhu salonaa hai

sau baar taar taar kiyaa to bhi ab talak
saabit vahi hai dast o garebaan ki dosti

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main haath joDtaa huun baDi der se huzur
lag jaaiye gale se ab inkaar ho chukaa

main kyuun karun kisi ko makin-e-makaan-e-dil
main kyuun kahun kisi se ki tu ghar miraa bigaaD

fasl-e-gul aai junun uchhlaa 'jalil'
ab tabiat kyaa sambhaali jaaegi