niind aai to dhuup khile tak soeinge — Shakir Dehlvi

siyaah aankhon ki rangat ki ik jhalak ke liye
tiri talaash mein surma-farosh rahte hain

shukr kiije ki maut hai varna
zindagi se hamein bachaataa kaun

hamaare ghar mein ye tahzib ab bhi zinda hai
buzurg bolein to bachche khamosh rahte hain

ho bhaTakne kaa jise shauq mire saath chale
jo ho manzil kaa talabgaar palaT jaae abhi

ham se mil kar dekhiye achchhaa lagegaa aap ko
aadmiyyat ke abhi tak an-chhue pahlu hain ham

tum se Takraae to huaa maa'lum
haadse khushnumaa bhi hote hain

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

sab khvaab puraane hain har chand fasaane hain
ham roz basaate hain aankhon mein nai duniyaa

dikhaai detaa hai jo kuchh kahin vo khvaab na ho
jo sun rahi huun vo dhokaa na ho samaaat kaa

'umr-bhar 'ahd-e-ta'alluq ke nigah-daar rahe
apne baare mein koi khvaab na dekhaa ham ne

din mein aane lage hain khvaab mujhe
us ne bhejaa hai ik gulaab mujhe