bal paDe chitvan pe abru tan ke khanjar ho gae — Sher Singh Naaz Dehlvi

ro diye fariyaad par meri butaan-e-sang-dil
mere naalon se pighal kar mom patthar ho gae

nigah-e-lutf mein hai uqda-kushaai muzmar
kaam bigDe hue bandon ke sanvar jaate hain

chuum kar aayaa hai ye dast-e-hinaai aap kaa
kyuun na rakkhun main kaleje se lagaa kar tiir ko

baaton mein DhunDte hain vo pahlu malaal kaa
matlab ye hai ki zikr na aae visaal kaa

ik bahaana chaahiye un ko bigaDne ke liye
main ne zulfon ki balaaein liin mire sar ho gae

aabla-paai hamaari rang laai dasht mein
khaar-e-sahraa tishna-e-khun ho ke nashtar ho gae

pyaaso raho na dasht mein baarish ke muntazir
maaro zamin pe paanv ki paani nikal paDe

bijli chamki to abr royaa
yaad aa gai kyaa hansi kisi ki

ab zaminon ko bichhaae ki falak ko oDhe
muflisi to bhari barsaat mein be-ghar hui hai

TuuT paDti thiin ghaTaaein jin ki aankhein dekh kar
vo bhari barsaat mein tarse hain paani ke liye

baadalon ne aaj barsaayaa lahu
amn kaa har faakhta rone lagaa

ham to samjhe the ki barsaat mein barsegi sharaab
aai barsaat to barsaat ne dil toD diyaa