abhi mujh mein bahut himmat hai lekin — Farhan Hanif Warsi

dilon ke mel se aage labon ke silsile saare
jo lab khaamosh hote hain to aankhein baat karti hain

tumhi ne raah mein ik ghar basaa liyaa varna
mohabbaton kaa safar to tavil thaa jaanaan

jis ki khaatir sabhi rishton se huaa thaa munkir
ab sunaa hai ki vahi shakhs khafaa hai mujh se

us kaa andaaz ruuTh jaane kaa
hai bahaana qarib aane kaa

vo ek moD jahaan vo kabhi milaa thaa mujhe
us ek moD par us ko judaa bhi honaa thaa

parinde so gae jaa ke gharon mein
shajar jangal mein phir kyuun jaagtaa hai

vo bulaate to hain mujh ko magar ai jazba-e-dil
shauq itnaa bhi na baDh jaae ki jaae na bane

agar koshish kare insaan to kyaa ho nahin saktaa
vo be-himmat hain jo har kaam ko mushkil samajhte hain

shab-o-roz nakhl-e-vajud ko nayaa ek barg-e-anaa diyaa
hamein inhiraaf kaa hausla bhi diyaa to misl-e-duaa diyaa

kyaa karishma hai mire jazba-e-aazaadi kaa
thi jo divaar kabhi ab hai vo dar ki surat

thaa e'timaad-e-husn se tu is qadar tahi
aaina dekhne kaa tujhe hausla na thaa

ki ik nazar ki tuur saraapaa jalaa diyaa
kis hausle pe koi tiri aarzu kare