kuchh masala to tere jahaan mein zarur hai — Shoaib Kiani

marte rahnaa miraa har roz yuun thoDaa thoDaa
qatl hai jis ko main saabit nahin kar paaungaa

main akelaa rah gayaa to main ne kuchh rishte banaae
main ne kuchh rishte banaae main akelaa rah gayaa

ham numu paate rahe hain apni himmat se ‘sho’aib’
pattharon mein ugne vaale aur kitne sabz hon

un se khudaa ko chhin ke badle mein kuchh to do
vo jin ke paas kuchh bhi khudaa ke sivaa nahin

ulTaa mujh ko hi uThaa leinge uThaane vaale
laapata pyaaron ke baare mein agar puchhungaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

maarka garm to ho lene do khun-rezi kaa
pahle shamshir ke niche hamin jaa baiTheinge