sadaa-e-dil ko kahin baaryaab honaa thaa — Siraj Alam Zakhmi

toDe baghair sang taraashe na jaaeinge
vo dil hi kyaa jo TuuT ke patthar na ho sake

dil mein tufaan nahin aankh mein sailaab nahin
aise jiine se to behtar thaa ki mar hi jaate

koi shikva koi gila de de
mujh ko jiine kaa hausla de de

bevafaai kaa mujhe ilzaam detaa thaa vo shakhs
main ne bhi itnaa kiyaa bas us ko sachchaa kar diyaa

itnaa na duur jaao ki jiinaa muhaal ho
yuun bhi na paas aao ki dam hi nikal paDe

khud ko bachaaun jism sambhaalun ki ruuh ko
bikhraa huaa hai dard yahaan se vahaan talak

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

anjaam khushi kaa duniyaa mein sach kahte ho gham hotaa hai
saabit hai gul aur shabnam se jo hanstaa hai vo rotaa hai

bujhne nahin diyaa ise furqat ke baa'd bhi
yaadon se teri dil ko farozaan rakhaa sadaa

Hazaaron khwahishein aisi ke har khwahish pe dam nikle
Bahut nikle mere armaan, lekin phir bhi kam nikle