aai hai tire ishq ki baazi dil-o-jaan par — Siraj Aurangabadi

dekhaa hai jis ne yaar ke rukhsaar ki taraf
hargiz na jaave sair kuun gulzaar ki taraf

boltaa huun jo vo bulaataa hai
tan ke pinjre mein us kaa totaa huun

vaqt hai ab namaaz-e-maghrib kaa
chaand rukh lab shafaq hai gesu shaam

tahqiq ki nazar siin aakhir kuun ham ne dekhaa
akasr hain maal vaale kam hain kamaal vaale

masjid vahshat mein paDhtaa hai taraavih-e-junun
mushaf husn-e-pari-rukhsaar jis kuun yaad hai

vo ajab ghaDi thi main jis ghaDi liyaa dars nuskha-e-ishq kaa
ki kitaab aql ki taaq par juun dhari thi tyuun hi dhari rahi

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

is tarah sataayaa hai pareshaan kiyaa hai
goyaa ki mohabbat nahin ehsaan kiyaa hai

vo jis ne dekhaa nahin ishq kaa kabhi maktab
main us ke haath mein dil ki kitaab kyaa detaa

chand logon ki mohabbat bhi ghanimat hai miyaan
shahr kaa shahr hamaaraa to nahin ho saktaa

hijr mein itnaa khasaara to nahin ho saktaa
ek hi ishq dobaara to nahin ho saktaa