chand logon ki mohabbat bhi ghanimat hai miyaan — Afzal Gauhar Rao

yahaan bhalaa kaun apni marzi se ji rahaa hai
sabhi ishaare tiri nazar se bandhe hue hain

kaun si aisi kami mere khad-o-khaal mein hai
aaina khush nahin hotaa kabhi mil kar mujh se

miri nazar to khalaaon ne baandh rakkhi thi
mujhe zamin se kahaan aasmaan dikhaai diyaa

hijr mein itnaa khasaara to nahin ho saktaa
ek hi ishq dobaara to nahin ho saktaa

gumraah kab kiyaa hai kisi raah ne mujhe
chalne lagaa huun aap hi apne khilaaf mein

jaane vo shahr mein ab kis kaa buraa maantaa hai
main to jab baat karun us se buraa maantaa hai

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

sabhi se jab mohabbat chaahte ho
mohabbat kyon nahin karte sabhi se

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

kin manzilon luTe hain mohabbat ke qaafile
insaan zamin pe aaj gharib-ul-vatan saa hai