shah-e-be-khudi ne ataa kiyaa mujhe ab libaas-e-barahnagi — Siraj Aurangabadi

chali samt-e-ghaib siin kyaa havaa ki chaman zuhur kaa jal gayaa
magar ek shaakh-e-nihaal-e-gham jise dil kaho so hari rahi

masjid abru mein teri mardumuk hai jiyun imaam
mu-e-mizhgaan muqtadi ho mil ke karte hain namaaz

aa shitaabi siin vagarna majlis-e-ushshaaq mein
zulm hai gham hai qayaamat hai kharaabi ai sanam

roza-daaraan-e-judaai kuun kham-e-abru-e-yaar
maah-e-id-e-ramazaan thaa mujhe maalum na thaa

hamaari baat mohabbat siin tum jo gosh karo
to apni prem kahaani tumhein sunaaungaa

haq mein ushshaaq ke qayaamat hai
kyaa karam kyaa itaab kyaa dushnaam

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

ye maanaa vo shajar sukhaa bahut hai
magar us mein abhi saayaa bahut hai

chup chup makaan raaste gum-sum niDhaal vaqt
is shahr ke liye koi divaanaa chaahiye

karnaa hai aap ko jo nae raaston ki khoj
sab jis taraf na jaaein udhar jaanaa chaahiye

na toDo dil ki hai kaaba kaa Dhaanaa
ye do ghar hain magar buniyaad hai ek