koi shikva na gham na koi yaad — Javed Akhtar

main paa sakaa na kabhi is khalish se chhuTkaaraa
vo mujh se jiit bhi saktaa thaa jaane kyuun haaraa

main bachpan mein khilaune toDtaa thaa
mire anjaam ki vo ibtidaa thi

ghairon ko kab fursat hai dukh dene ki
jab hotaa hai koi hamdam hotaa hai

unchi imaaraton se makaan meraa ghir gayaa
kuchh log mere hisse kaa suraj bhi khaa gae

kabhi jo khvaab thaa vo paa liyaa hai
magar jo kho gai vo chiiz kyaa thi

tab ham donon vaqt churaa kar laate the
ab milte hain jab bhi fursat hoti hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

hamaare she'r naghme aur sajde
adaa jo ho na paae kyaa hue vo

zindagi kaa har ik gham uThaate hue
main sanbhalne lagaa laDkhaDaate hue

main phir rahaa huun shahr mein saDkon pe ghaaliban
aavaaz de ke mujh ko miraa ghar pukaar le