peD unchaa hai magar zer-e-zamin kitnaa hai — Suhail Ahmed Zaidi

ham haar to jaate hi ki dushman ke hamaare
sau pair the sau haath the ik sar hi nahin thaa

ham ne to muund liin aankhein hi tiri diid ke baad
bul-havas jaante hain koi hasin kitnaa hai

dekho to har ik shakhs ke haathon mein hain patthar
puchho to kahin shahr banaane ke liye hai

har subh apne ghar mein usi vaqt jaagnaa
aazaad log bhi to giraftaar se rahe

do paanv hain jo haar ke ruk jaate hain
ik sar hai jo divaar se Takraataa hai

kabhi to lagtaa hai gumraah kar gai mujh ko
sukhan-vari kabhi paighambari si lagti hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

na jaane kis ke qadam chumne ki hasrat mein
tamaam raaste dil ki tarah dhaDak rahe the

sher kaa tiir kisi kaa ho agar dil ko lagaa
kahne vaale ko bahut dil se duaa di ham ne

haal-e-dil kyuun kar karein apnaa bayaan achchhi tarah
ru-ba-ru un ke nahin chalti zabaan achchhi tarah