bujhin shamein to dil jalaae hain — Syed Ehtisham Husain

teraa hi ho ke jo rah jaaun to phir kyaa hogaa
ai junun aur hain duniyaa mein bahut kaam mujhe

dil ne chupke se kahaa koshish-e-naakaam ke baad
zahr hi dard-e-mohabbat ki davaa ho jaise

na jaane haar hai yaa jiit kyaa hai
ghamon par muskuraanaa aa gayaa hai

manzil na mili to gham nahin hai
apne ko to kho ke paa gayaa huun

yuun guzartaa hai tiri yaad ki vaadi mein khayaal
khaarzaaron mein koi barhana-paa ho jaise

main samajhtaa huun mujhe daulat-e-kaunain mili
kaun kahtaa hai ki vo kar gae badnaam mujhe

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

bhulne vaale tujhe yaad kiyaa hai barson
dil-e-viraan ko yuun aabaad kiyaa hai barson

dil kai saal se marghaT ki tarah suunaa hai
ham kai saal se raushan hain chitaaon ki tarah

jo bhi hai dil mein aap ke khul kar bataaiye hamein
kahte hain aap Thiik hain rahte hain be-qaraar se