dil ne chupke se kahaa koshish-e-naakaam ke baad — Syed Ehtisham Husain

teraa hi ho ke jo rah jaaun to phir kyaa hogaa
ai junun aur hain duniyaa mein bahut kaam mujhe

na jaane haar hai yaa jiit kyaa hai
ghamon par muskuraanaa aa gayaa hai

manzil na mili to gham nahin hai
apne ko to kho ke paa gayaa huun

yuun guzartaa hai tiri yaad ki vaadi mein khayaal
khaarzaaron mein koi barhana-paa ho jaise

main samajhtaa huun mujhe daulat-e-kaunain mili
kaun kahtaa hai ki vo kar gae badnaam mujhe

bujhin shamein to dil jalaae hain
yuun andheron mein raushni ki hai

ye aansu ponchh lijiye aur muskuraaiye
chaara nahin hai koi bhi rukhsat kiye baghair

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

udaas aankhon se aansu nahin nikalte hain
ye motiyon ki tarah sipiyon mein palte hain

hindu se puchhiye na musalmaan se puchhiye
insaaniyat kaa gham kisi insaan se puchhiye

husn jalva dikhaa gayaa apnaa
ishq baiThaa rahaa udaas kahin